Windows 10 Mobile នឹង​តំ​ណើរ​ការ​ជា​មួយ​នឹង​ប្រព័ន្ធវិភាគ 64-Bit ក្នុង​ពេលខាងមុខ

ប្រព័ន្ធ វិភាគ 64-bit គឺ​ជា​បច្ចេកវិទ្យា​ថ្មី​ដែល​អាច​ធ្វើ​ឲ្យ​ព្រំដែន​នៃ​​ប្រព័ន្ធវិភាគ​កាន់​តែធំធេង​ឡើង។ បច្ចុប្បន្ន​ប្រព័ន្ធតំណើរការ​ Windows Phone គឺ​កំពុង​តំណើរ​ការជាមួយ​ប្រព័ន្ធវិភាគ 32-bit បើ​ទោះ​បីជា​បន្ទះឈីប​ Snapdragon ដែល​បំពាក់​នៅ​ក្នុង​ទូរស័ព្ទ Lumia 950 និង​ Lumia 950 XL គឺ​ប្រើប្រាស់ 64-bit ក៏ដោយ។

សម្រាប់​គូ​ប្រកួតប្រជែង ដូចជា iOS បាន​ប្រើប្រាស់ប្រព័ន្ធវិភាគ​ 64-bit តាំងពីឆ្នាំ ២០១៣ និង Android តាំងពី​ឆ្នាំ ២០១៤ មក​ម្ល៉េះ។ ហើយ​បើ​យោង​តាម​ការ​បង្ហោះ​ជ្រើសរើសបុគ្គលិក​​ថ្មី​ពី​ក្រុមហ៊ុន Microsoft នៅលើវេបសាយការងារ carreers.microsoft.com ក៏​បាន​បញ្ជាក់​ផងដែរថា ប្រព័ន្ធវិភាគ 64-bit នឹង​ដាក់ឲ្យតំណើរនៅ​ក្នុង​ជំនាន់​ក្រោយ​ដែល​មាន​ឈ្មោះថា Redstone update ដែល​នឹង​ត្រូវ​ដាក់​ចេញ​ឲ្យ​ទាញយក​​បាន​ក្នុង​ពេល​ខាង​មុខ​នេះ។

នៅ​ក្នុង​ការ​ប្រកាស​ជ្រើសរើស​បុគ្គលិក​នោះ​បាន​បញ្ជាក់​ថា៖

The silicon ecosystem is always evolving.   Windows across all device categories is readying for the introduction of 64 bit computing with the ARM instruction set (ISA).   Bringing a new ISA to market involves working both broadly and deeply across Microsoft from devdiv to WDG to Server to Office and others depending on the scope of product target.   Many hard system problems need to be discovered and solved to be successful.   The role also requires deep engagements in the silicon ecosystem too.

…

Responsibilities include:
Building the plan for ARM64 aligned with the Redstone wave
Identify the “big rocks” we need to move, solve, make it happen
Build the all up view of where we are, drive the schedule
Work to ensure the necessary hardware is planned for and delivered on time
Drive performance and compatibility goals, define and drive to key metrics

បន្ថែម​ទៅលើ​ចណុចនេះ ប្រភពមួយទៀត​ពី​វេបសាយ MSDN website ក៏​បានសរសេរ​បញ្ជាក់ផងដែរ​ថា នឹង​មាន​ប្រព័ន្ធ​វិភាគ Windows 10 Mobile ប្រភេទ ARM 64-bit.

សម្រាប់​អត្ថប្រយោជន៍នៃប្រព័ន្ធវិភាគ 64-bit គឺ​នឹង​អនុញ្ញាតឲ្យទូរស័ព្ទដែល​តំណើរ​ការ​ដោយ​ Windows 10 Mobile ​អាច​មាន​ទំហំ RAM លើសពី 3GB។ អត្ថប្រយោជន៍​បន្ថែមពីនេះ គឺ​វា​នឹង​អាច​ផ្ដល់នូវ​លទ្ធភាពឲ្យ​ទូរស័ព្ទ​អ្នក អាច​​តំណើរការប្រព័ន្ធនិមិត្តមួយ (Emulation) ដែលអនុញ្ញាត​ឲ្យ​កម្មវិធីប្រភេទ Windows 32-bit របស់​កុំព្យូទ័រ​អាច​ប្រើប្រាស់​បបាន​នៅលើទូរស័ព្ទ​របស់អ្នក​បាន​ថែមទៀតផង។