Microsoft ចេញ​ Windows 10 Build 10525 ​សម្រាប់​ Windows Insiders

នេះ​គឺ​ជា​ការ​ចេញ​នូវ​ Build លើ​ក​តំបូង​សម្រាប់ Windows Insiders បន្ទាប់​ពី​ការ​ចេញ​ជា​ផ្លូវ​ការ​របស់​ Windows 10 ក្នុង​ Build 10240។ ​

តើ​មាន​អ្វីថ្មី​នៅ​ក្នុង Windows 10 Insider Preview Build 10525

នៅ​ក្នុង​ Build ថ្មី​នេះ​មិន​សូវ​មាន​លក្ខណៈ​សម្បត្តិ​អ្វី​ថ្មីៗ​នោះ​ទេ គឺ​ភាគ​ច្រើន​គឺ​ការ​លុប​បំបាត់​កំហុស និង​បង្កើន​ល្បឿន​នៅ​ក្នុង​កុំព្យូទ័រ​របស់អ្នក។ ទោះ​យ៉ាង​ណា​នៅ​ក្នុង​ Build ថ្មីនេះ គឺ​បាន​បង្ហាញ​នូវ​លក្ខណៈ​សម្បត្តិ​ចំនួន ២ ធំៗ​គឺ៖

1. ការ​កែ​ប្រែ​ទៅ​លើ ជម្រើស​ពណ៌៖ ក្នុង​ជម្រើស​មួយ​នេះ គឺ​អាច​ឲ្យ​អ្នក​អាច​ធ្វើ​ការ កំណត់​ពណ៌​ទៅ​លើ Start, Title Bar, Taskbar, និង Action Center។ ជម្រើស​មួយនេះ​មិន​បាន​បើក​ពី​ដើម​នោះ​ទេ បើ​អ្នក​ចង់​បាន​នូវ​មុខងារ​នេះ សូម​ចូល​ទៅ​កាន់ Settings > Personalization  > Colors។
2. បង្កើន​ប្រសិទ្ធិ​ភាព​ក្នុង​ការ​គ្រប់គ្រង​ Memory៖ នៅ​ក្នុង Build ថ្មីនេះ​បាន​ណែនាំ​ពី​តំណើរ​ការ​ថ្មី​មួយ​ឈ្មោះថា Compression Store ដែល​វា​មាន​តួនាទី ធ្វើការបង្រួម​នូវ​ Memory ដែល​បាន​ប្រើហើយ​នៅ​ក្នុង​កម្មវិធី នៅ​ពេល​ដែល​មាន​តម្រូវ​ការ​លើស​ទំហំ​ Memory ដែល​មាន ជាជាង​ការ​សរសេរ​នូវ Memory ទាំង​នោះ​ចូល​ទៅ​កាន់ Hard Disk។

តំណ​ភ្ជាប់​សម្រាប់ Windows 10 Insider Preview Build 10525 ISO Files

ខាងក្រោមនេះ គឺ​ជា​តំណ​ភ្ជាប់​ទៅ​កាន់ ISO Files សម្រាប់​ Build 10525៖

• Windows 10 Enterprise build 10525 x64 English iso image
  
• Windows 10 Pro build 10525 x64 English iso image
• Windows 10 Pro build 10525 x86 English iso image

ប្រភព៖ Microsoft News