វិធីសាស្រ្តក្នុងការបើក Navigation Bar សម្រាប់ទូរស័ព្ទដែលមិនមាន

ដោយ កុយ ទិត្យតារា

ថ្ងៃ ច័ន្ទ ទី ១៧ ខែ សីហា ឆ្នាំ ២០១៥ ម៉ោង ០៩:១០ ព្រឹក

ចាប់ពី Windows Phone 8.1 មក Microsoft បានធ្វើការបន្ថែមនូវមុខងារ Virtual Navigation Bar គឺមានដូចជា ប៊ូតុង ទៅក្រោយ ប៊ូតុង Start Screen និងប៊ូតុង ស្វែងរក ក្នុងគោលបំណងជំរុញឲ្យមានការកាត់បន្ថយការចំនាយក្នុងការបង្កើតនូវ ប៊ូតុង touch screen សម្រាប់មុខងារទាំងនេះនៅលើទូរស័ព្ទ។

សម្រាប់មុខងារ Virtual Navigation Bar មិនត្រឹមតែកាត់ការចំនាយក្នុងការផលិតទូរស័ព្ទប៉ុណ្ណោះទេ ថែមទាំងផ្ដល់នូវអត្ថប្រយោជន៍មួយចំនួនទៀតសម្រាប់អ្នកប្រើប្រាស់ផងដែរដូចជា៖

មានជម្រើសក្នុងការបង្ហាញ Navigation Bar បានដោយគ្រាន់ អូសពីគែមខាងក្រោមនៃអេក្រង់មកខាងលើតែប៉ុណ្ណោះ
កាត់បន្ថយការប៉ះប៊ូតុង Navigation Bar ដែលវានាំឲ្យរំខានដល់អ្នក ជាពិសេសពេលដែលអ្នកកំពុងលេង ហ្គេមតែម្ដង

ទោះជាយ៉ាងណាក៏ដោយ Microsoft បានផ្ដល់មុខងារ Virtual Navigation Bar នេះសម្រាប់តែ ទូរស័ព្ទដែលមិនមានប៊ូតុង touch screen តែប៉ុណ្ណោះ ចំពោះទូរស័ព្ទដែលមានប៊ូតុង touch screen ដូចជា Lumia 520, 620, 920… គឺមិនមានជម្រើសក្នុងការប្រើប្រាស់នូវមុខងារនេះនោះទេ។

ថ្ងៃនេះ វីនដូខ្មែរសូមបង្ហាញពីវិធីសាស្រ្តក្នុងការបើកនូវ Virtual Navigation Bar បើទោះទូរស័ព្ទរបស់អ្នកមាន ប៊ូតុង touch screen ក៏ដោយ។ សូមអនុវត្តតាមជំហ៊ានខាងក្រោម៖

ទូរសព័្ទរបស់អ្នកត្រូវតែបាន Unlock រួចហើយ។ បើអ្នកមិនទាន់ Unlock នោះទេ សូមអនុវត្តតាមអត្ថបទមួយនេះ។
ត្រូវមានកម្មវិធីដែលអាចតំឡើង XAP file បាន។
- អ្នកអាចប្រើ Application Deployment ដែលមានក្នុង Windows Phone SDK
- ឬអ្នកអាចប្រើកម្មវិធី WP Power Tools (ទំហំតូច) ចុចទីនេះដើម្បីទាញយក។
តំឡើងនូវកម្មវិធី CustomPFD: registry editor + tweaks នៅលើទូរស័ព្ទរបស់អ្នក។ ចុចទីនេះដើម្បីទាញយក។ ចុចទីនេះដើម្បីទៅកាន់ប្រភពដើម។
នៅលើទូរស័ព្ទបើកម្មវិធី CustomPFD Registry Editor + Tweaks
ក្នុងកម្មវិធីចូលទៅកាន់ទំព័រ TWEAKS PAGE ហើយចុចលើ General tweaks
នៅក្នុងទំព័រ UI GENERAL TWEAKS បើកកុងតាក់ ENABLE NAVIGATION BAR
បិទកម្មវិធី និង Reboot ទូរស័ព្ទរបស់អ្នកជាការស្រេច។