វិធីសាស្រ្ត​ក្នុងការតំឡើងកម្មវិធី Android នៅលើ Windows 10 Mobile

ទើបតែប៉ុន្មានម៉ោងមុននេះដែលខ្ញុំបាន​ធ្វើការតំឡើងហ្គេម Clash of Clans នៅលើទូរស័ព្ទ Lumia 920 ដែលតំណើរការដោយ Windows 10 Insider Preview build 10166។ ហើយអ្វីដែលខ្ញុំបានសង្កេតឃើញថា វាមានល្បឿនលឿនអាចទទួលយកបាន សម្រាប់ហ្គេមដែល​តម្រូវការ​ខ្ពស់​គួរសមដែរ បើទោះ​ជាមានកង្វះខាតមួយចំនួនក៏ដោយ។ អ្នកទាំងអស់គ្នាច្បាស់ជាឆ្ងល់ថាតើ ត្រូវធ្វើរបៀបណាដើម្បីតំឡើងហ្គេមនេះទៅកាន់ Windows 10 Mobile បាន, ខាងក្រោមនេះគឺជាវិធីសាស្រ្តក្នុងការតំឡើង កម្មវិធី Android លើ Windows 10 Mobile៖

មុនពេលចាប់ផ្ដើម សូមអ្នកទាំងអស់គ្នាចាំទុកថាការតំឡើងនេះអាចធ្វើឲ្យម៉ាស៊ីនរបស់អ្នកបាន, បើអ្នកទាំងអស់គ្នាចង់សាកល្បង គឺជាទំនួលខុសត្រូវរបស់អ្នកទាំង​អស់​គ្នា។

ខាងក្រោមនេះគឺជាទូរស័ព្ទដែល Support សម្រាប់ការតំឡើងនេះ៖

• Lumia 920
• Lumia 925
• Lumia 929 (icon)
• Lumia 830
• Lumia 930
• Lumia 1520
• Lumia 635 (សម្រាប់ម៉ូដែលមាន RAM 1GB)
• Lumia 730
• Lumia 820
• Lumia 435
• Lumia 928

បើសិនអ្នកទាំងអស់គ្នា ប្រើប្រាស់នូវទូរស័ព្ទ​បានរៀបរាប់ខាងលើ អ្នកទាំងអស់គ្នាអាចអនុវត្តតាមជំហ៊ានខាងក្រោមបាន៖

• ទាញយក កម្មវិធី wconnect Android SDK និងហ្គេម Clash of Clans APK ពីទីនេះ
• ពន្លានូវ wconnect.rar និង adb.rar ទៅកាន់ folder
• បើក folder wconnect, ហើយធ្វើការតំឡើង កម្មវិធី  IpOverUsbInstaller.msi និង vcredist_x86.exe
• នៅក្នុងទូរស័ព្ទរបស់អ្នកចូលទៅកាន់ Settings > Update & Security > For Developers  ហើយឆេកលើប្រអប់ enable Developers Mode និង Device Discovery
• ចុច Shift Key ឲ្យជាប់ ហើយចុច Mouse ស្ដាំលើ folder wconnect ហើយជ្រើសយក​ Open command window here
• បន្ទាប់មកទៀតអ្នកនឹងត្រូវ ភ្ជាប់ទូរស័ព្ទរបស់អ្នកទៅកាន់កុំព្យូទ័រ ហើយវាយនូវ Command ដូចខាងក្រោម៖
  • wconnect.exe usb ហើយចុច Enter
  • បើអ្នកចង់ភ្ជាប់តាមរយៈ WiFi វាយ wconnect.exe 192.168.xxx.xxx (ជំនួស xxx.xxx ជាមួយនឹង IP Address ទូរស័ព្ទរបស់អ្នក)
• បន្ទាប់មកទៀត នៅលើទូរស័ព្ទ ចុចលើប៊ូតុង Pair ដើម្បីមើលនូវ Pair Code ហើយវាយ Code នោះចូល ហើយចុច Enter
• ចុច Shift Key ឲ្យជាប់ ហើយ ចុច Mouse ស្ដាំលើ folder adb/platform-tools ហើយជ្រើសយក​ Open command window here
• វាយ adb devices ដើម្បីឆែកមើលថាតើ ទូរស័ព្ទរបស់យើងត្រូវបានតភ្ជាប់ហើយឬនៅ
• បន្ទាប់មកទៀតចម្លង coc.apk ទៅកាន់ folder adb/platform-tools
• ហើយចុងក្រោយបំផុតគឺ វាយ adb install coc.apk (អ្នកអាចរង់ចាំយូរបន្តិចព្រោះហ្គេមនេះមានទំហំធំគួរសមដែរ)។

ខាងក្រោមគឺជាវីដេអូបង្ហាញពីការតំឡើងហ្គេម Clash of Clans របស់ Android នៅលើ Windows 10 Mobile៖

បើអ្នកទាំងអស់គ្នាមានបញ្ហាអី្វនោះ សូមបញ្ចេញមតិនៅខាងក្រោម។ សូមអរគុណ។