Microsoft ចេញ​ជាផ្លូវការ​នូវ Microsoft Band អេក្រង់កោង​ថ្មីរបស់ខ្លួន

Microsoft បានប្រកាស​ជា​ផ្លូវ​ការ​នូវ​នាឡិកាដៃ Microsoft Band ថ្មីរបស់​ខ្លួន​នៅ​ក្នុង ព្រឹត្តិការណ៍ #Windows10Devices នៅទី​ក្រុង​ New York។ ដូច​ទៅនឹង​ការ​លេចចេញ​នូវ​ព័ត៌មានពិត​មែន ដែល​ជំនាន់ថ្មីរបស់ Microsoft Band គឺ​មាន​អេក្រង់កោង និង​មានរូប​រាង​គួរ​ឲ្យ​ទាក់ទាញ​ជាង​ជំនាន់ទី១​របស់វា។

ផ្នែក​អេក្រង់​របស់​ Microsoft Band បាន​បំពាក់ជាមួយនឹង Corning Gorilla Glass 3 ដែល​នៅខាងក្រោម​អេក្រង់ Microsoft Band ប្រើប្រាស់​អេក្រង់​ប្រភេទ OLED ដែល​វា​មាន​សភាព​សម្រាប់​ការ Touch បាន​ប្រសើរជាង​ជំនាន់ទី​១ របស់ខ្លួន។

នៅ​ក្នុង​ Microsoft Band ក៏​បាន​បំពាក់នូវ​ឧបករណ៍ភ្ញោយ៉ាងច្រើនដូចជា៖

• ឧបករណ៍ចាប់ទីតាំង (GPS)
• ឧបករណ៍តាមដានពន្លឺ (UV Monitoring)
• ឧបករណ៍តាមដានការគេង (Sleep Tracking)
• ឧបករណ៍ត្រួតពិនិត្យ​កម្រិត​កាឡូរី (Calorie Tracking)
• ឧបករណ៍ពិនិត្យ​ការ​ធ្វើ​ចលនា (Guided Workouts)
• ឧបករណ៍​ឲ្យដំណឹងឆ្លាតវៃ (Smart Notifications)
• និង ឧបករណ៍សម្រាប់តាម​កម្រិត​កម្ពស់ធៀប​កម្រិតទឹកសមុទ្រ (Barometer)

Microsoft Band នឹង​មានតម្លៃ ២៤៩ ដុល្លា ដែល​អាច​ធ្វើ​ការ​កុម្ម៉ង់ទិញមុន​បាន​ក្នុងថ្ងៃនេះ និង​ធ្វើ​ការ​ដឹកជញ្ជួន​បាន​នៅ​ថ្ងៃទី ៣០ ខែ តុលា ខាង​មុខនេះ។