ក្រុម​ហ៊ុន Microsoft បង្ហោះបញ្ជីឈ្មោះ ម៉ាស៊ីនព្រីនធឺដែល​អាច​ប្រើ​បាន​ជាមួយនឹង Windows 10 Mobile

Windows 10 Mobile គឺ​ជា​ប្រព័ន្ធ​ប្រតិបត្តិការ​ថ្មី​ចុងក្រោយ​របស់​ក្រុមហ៊ុន Microsoft ដែល​ត្រូវ​បាន​គេ​រំពឹងទុក​ថា​ជា ប្រព័ន្ធ​តំណើរ​ដែល​អាច​ជួួយ​ឲ្យ ប្រព័ន្ធ​ប្រតិបត្តិការ Windows អាច​បញ្រៀត​ទៅកាន់​មជ្ឈដ្ឋាន​អ្នក​ប្រើ​ប្រាស់​បាន​កាន់​តែ​ច្រើនបន្ថែមទៀត ក្នុង​យុគសម័យទូរស័ព្ទ​ចល័តនេះ។

លក្ខណៈ​សម្បត្តិ​ពិសេស​មួយ​របស់​ Windows 10 Mobile គឺវា​អាច​មានលទ្ធភាព​បោះ​ពុម្ភ​ចេញ​ពី​កម្មវិធី ប្រភេទ Universal App បាន។ បចុ្ចប្បន្ននេះ​នៅលើ Windows 10 Mobile គឺ​អាច​មានលទ្ធភាព​បោះពុម្ព​បាន​តាម​តែ​រយៈ Network តែ​បុណ្ណ៉ោះ ពោល​គឺ​តាម​រយៈ WIFI ខណៈ​ដែល​ការ​បោះពុម្ពតាមរយៈ USB គឺ​មិន​ទាន់​អាច​ទៅ​រួច​នោះទេ។

Windows 10 Mobile គឺ​ធ្វើ​ការ​តែ​ជាមួយនឹ​ង​ប្រភេទ​ម៉ាស៊ីនព្រីន​ដែល​មិន​ពឹង​ផ្អែក​លើ Driver តែ​ប៉ុណ្ណោះ ដូច​ជា​ម៉ាស៊ីន​ព្រីន​ដែល​គាំទ្រលើ PCLm, PWG Raster, Open XPS និង MS XPS ដែល​មាន​ប្រហែល​ជាង ១៩០០ ម៉ូដែល​នៅលើទីផ្សារ​សម្រាប់​ចុង​ឆ្នាំ​ ២០១៥ នេះ។

ឥឡូវនេះ​ក្រុមហ៊ុន​ Microsoft បាន​ចេញផ្សាយនូវ​បញ្ជីនៃ​ម៉ូដែល​ព្រីនធឺ​ទាំងអស់​ដែល​អាច​ប្រើប្រាស់​បាន​នៅលើ Windows 10 Mobile ដែល​ម៉ូដែល​ទាំងនោះ​គឺ​ជាផលិតផល​របស់​ក្រុមហ៊ុន​ដូចជា៖ Brother, Canon, Fuji Xerox, Gestetner, HP, Infotec, Konica, Kyocera, Lanier, Lexmark, NEC, NRG, OKI, RICOH, Savin, Samsung, Toshiba, Xerox និង Kyocera Mita។

សម្រាប់​បញ្ជី​នៃ​ឈ្មោះរបស់​ម៉ាស៊ីនព្រីនទាំង ១៩០០ ម៉ូដែលសូមចុច​ខាងក្រោម៖

បញ្ជីឈ្មោះម៉ូដែលព្រីនធឺ